Hard Rain - Our Headlong Collision With Nature

Hard Rain er ei sterk utstilling og dei musikkinteresserte vil nok minnast tittelen på utstillinga frå den kjende songen til Bob Dylan; A Hard Rain’s A-Gonna Fall.

Songen var ein av dei fyrste protestsongane på 60-talet. Fotograf Mark Edwards fekk i 1969 ein idé om å illustrere metaforane i Dylan sin songtekst Hard Rain i bilete. Han reiste til over 150 land for å fotografere og dokumentere “menneska sin kollisjon med naturen”. 37 år seinare blei resultatet utstillinga Hard Rain. Our headlong collision with nature - ei tankevekkjande samling bilete som illustrerer Dylan sin profetiske tekst.

Temaet for utstillinga er globale klimaendringar og då med særleg fokus på konsekvensane i dei mest sårbare områda i verda. I bileta tek Edwards også opp generell fattigdomsproblematikk. Edwards er grunnleggjar av biletbyrået ”Still Pictures”, eit av dei største byråa i verda med fokus på miljø, natur og global utvikling

I vandreutstillinga har fotograf Edwards overført songen sitt tekstinnhald til moderne samtidsproblematikk. Utstillinga har som mål å inspirere publikum til å ta del i den ytterst aktuelle debatten om globale klimaforandringar og miljøøydeleggingar.

http://www.ark.museum.no/nyheter_2.htm